Pangungunahan ng Pangulong Rodrigo Duterte ang pag-welcome sa mga atleta sa pormal na pagbubukas ng 30th Southeast Asian (SEA) Games sa Philippine Arena sa Sabado, November 30.
Hindi lamang ito bilang suporta sa mga atleta ng Pilipinas kundi pagpapakita ng hospitality para sa mga atleta at opisyal mula sa mga kasaping bansa.
Una nang nangako ang pangulo ng dagdag na insentibo sa mga Pilipinong atleta na makakasungkit ng medalya sa SEA Games.
Ikinukunsidera rin di umano ng pangulo ang pagbibigay ng Order of Lapu-lapu sa mga mananalong atleta.
