Mas pinaigting pa ng Bureau of Immigration ang kanilang isinasagawang screening sa mga pasaherong papaalis ng bansa at patungong Dubai.
Kasunod ito ng natanggap na ulat ng ahensiya na ginagawang transit point ang Dubai para sa mga manggagawang Pinoy na iligal na ipadadala sa Iraq para magtrabaho.
Ayon kay Immigration Commissioner Jaime Morente, ilang mga sindikato ang nagrerecruit sa mga manggagawang Pinoy kung saan kanilang sinasabi na inalis na ang deployment ban sa Iraq.
