Pansamantalang ititigil ng Makati City government ang pagpapalabas ng mga bagong business license at permits sa mga service providers ng Philippine Offshore Gaming Operators (POGO).
Kasunod ito ng pagpapataw ni Makati City Mayor Abby Binay ng indefinite moratorium sa mga bagong aplikante para sa POGO service providers.
Bunsod aniya ito ng pagtaas sa naitatalang kaso ng kriminalidad at prostitusyon na naiugugnay sa mga dayuhang empleyado ng POGO.
Dagdag ni Binay, naglunsad din sila ng crack down laban sa lahat ng mga iligal na aktibidad na may kaugnayan sa POGO at mga empleyado nito na isinasagawa sa Makati City.
Maliban naman sa business permits at license, hindi na rin magpapalabas ng letters of no objection ang Makati City LGU, na isa sa mga requirement ng Philippine Amusement and Gaming Corporation (Pagcor) para sa mga bagong POGO service providers.