Pangungunahan ni Pope Francis ang unang araw ng tradisyunal na Aguinaldo Mass o ‘Simbang Gabi’ para sa mga Filipino sa Roma.
Ayon sa report na inilabas ng Catholic Bishops’ Conference of the Philippines (CBCP), mangunguna ang santo papa sa Simbang Gabi sa Disyembre 15 sa St. Peter’s Basilica sa Vatican.
Kasama nito ang nasa isangdaan at labinglimang pari bilang mga concelebrators.
Nasa 7,500 katao lamang ang papayagang makapasok sa Basilica dahil sa limitado ang seating capacity nito.
Ito ang kauna unahang pagkakataon na isang Santo Papa ang magiging celebrant ng Simbang Gabi sa Vatican.
