Nasabat ng PNP-Regional Special Operations Unit ang mahigit pitong milyong pisong halaga ng hinihinalang shabu sa buy bust operation sa Marikina City.
Naaresto rin ang dalawang drug suspek na kinilalang sina Christian Lucero, 18 anyos at Jomalyn Poblete, 23 anyos.
Ayon sa mga otoridad, matagal na nilang minamanmanan ang dalawa matapos makatanggap ng impormasyon ukol sa pagbebenta ng mga ito ng shabu.
Haharap sa kasong paglabag sa Comprehensive Dangerous Drugs Act of 2002 ang dalawang suspek.
