Aprubado na ng bicameral conference committee ang panukalang P4.1-trillion na national budget para sa 2020.
Agad na naipasa ng senate at house panel ang panukalang budget matapos ang serye ng pagpupulong.
Inaasahan namang mararatipikahan ng Senado at Kamara ang panukalang budget ngayong hapon ng Miyerkules, ika-11 ng Disyembre, na idaraos sa kani-kanilang sesyon.
Una nang ipinahayag ng mga mambabatas na target na maisumite kay Pangulong Rodrigo Duterte ang 2020 general appropriations bill sa Disyembre 21. —ulat ni Cely Bueno (Patrol 19)