Hinikayat ni Senadora Leila De Lima ang Grab Philippines na itrato ng tama ang mga pasahero sa kabila ng nararanasang holiday rush.
Ayon sa senadora, dapat siguraduhin ng Grab na maayos ang serbisyong ibinibigay sa mga mananakay.
Dapat aniyang suklian ang pagtangkilik kahit na mas mahal ang pamasahe kumpara sa ibang transportasyon sa bansa.
Bukod dito, nanawagan din si De Lima sa mga otoridad na bantayan ang app at siguraduhing walang pagsasamantalang nagyayari.
Magugunitang noong nakaraang buwan ay inatasan ng Philippine Competition Commission (PCC) ang Grab na magbigay ng refund sa kanilang mga mananakay.
