Niyanig ng magnitude 4. 8 na lindol ang bayan ng Magsaysay, Davao Del Sur pasado alas 8:22 kaninang umaga.
Ayon sa PHIVOLCS, naitala ang epicenter ng lindol sa layong dalawang kilometro, sa timog kanlurang bahagi ng Magsaysay.
May lalim nitong pitong kilometro na mayroong tectonic origin.
Samantala, naramdaman naman ang intensity 4 sa Bansalan at Digos City sa Davao Del Sur habang intensity 2 naman sa Davao City.
Naitala naman ang instrumental intensity 4 sa Malungon Sarangani, intensity 2 sa Kidapawan City, Cotabato; Koronadal City at Tupi, South Cotabato.
Intensity 1 naman ang naitala sa Alabel, Sarangani.
