Kinilala ang Siargao Island bilang isa sa ‘World’s 20 Best Backpacking Destinations for 2020’.
Ayon sa online booking platform na Hostelworld, nasa ika-siyam na pwesto ang naturang isla.
Anila, nakabase sa resulta ng mga bookings sa kanila sa nakaraang 12 buwan.
Inilarawan ng naturang booking platform ang Siargao bilang ‘Surfer’s Paradise’ at ‘Wave Riding Capital of the Philippines’.
Kasama ng Siargao sa listahan ang Nusa Penida ng Indonesia, Surat Thani ng Thailand at Gijon ng Spain.
