Sinuportahan ng mga mambabatas ang panawagan ng motorcycle ride hailing app na Angkas hinggil sa mga bagong probisyong nais ipatupad ng Land Transportation and Franchisng Regulatory Board (LTFRB).
Kinwestyon ni Senadora Grace Poe ang naturang hakbang ng LTFRB.
Ayon sa Senadora, ano ba ang naging batayan nito at kung eto ba talaga ang tamang oras para gawin ang mga probisyon.
Samantala, umapela naman si Bagong Henerasyon Partylist Representative Bernadette Herrera Dy sa Philippine Competition Commission (PCC) hinggil sa naturang isyu.
Aniya, dapat ay bigyang pansin ng PCC ang hakbang ng LTFRB para sa kapakanan ng mga mananakay.
Magugunitang ipinag utos ng LTFRB na tapyasan ang bilang ng mga angkas riders sa bansa.
