Pumalo na sa 16 ang nasawi sa pananalasa ng bagyong Ursula sa ilang bahagi ng bansa.
Ayon sa National Disaster Risk Reduction and Management Council, siyam sa mga nasawi ay mula sa Iloilo at apat naman sa Capiz kung saan lima sa mga ito ay mga menor de edad.
Anim katao naman ang napaulat na nawawala habang dalawa naman ang nasugatan.
Samantala, halos 11 pamilya ang pansamantalang tumutuloy sa mga evacuation centers.
