Umaasa si Pangulong Rodrigo Duterte na patuloy na makararanas ng kumportableng buhay ang lahat ng mga Pilipino gayundin ang maramdaman ang pangmatagalang kapayaan.
Ito ay ayon kay Presidential Spokesperson Salvador Panelo ang kahilingan ng Pangulo kasabay ng pagbati para sa isang masaya at masaganang bagong taon sa lahat.
Aniya, magmula nang maupo sa puwesto ang Pangulo, wala na itong ninais pa kundi ang pagsilbihan, proteksyon at mabigyan ng komportableng buhay at pangmatalagang kapayapaan ang lahat ng mga Pilipino.
Nang matanong naman sa New Year’s Resolution ng Pangulo, sinabi ni Panelo na wala itong nababanggit kung meron man.
Batay sa schedule ni Pangulong Duterte, kanyang sasalubungin ang taong 2020 kasama pamilya sa kanilang tahanan sa Davao City kung saan doon ito mananatili hanggang January 2.
