Umaasa ang mga bumubuo ng pelikulang “Mindanao” na madagdagan pa ang mga sinehang nagpapalabas ng kanilang obra.
Ito’y makaraang humakot ng parangal ang nasabing pelikula sa katatapos pa lamang na Metro Manila Film Festival 2019 Awards Night.
Ayon sa premyadong direktor na si Brillante Mendoza, ang kanilang pelikula ay ini-aalay nila para sa lahat ng mga Pilipino kaya’t marapat lamang itong mapanood.
Magugunitang nasungkit ng pelikulang pinagbibidahan nila Judy Anne Santos at Allen Dizon ang best picture, best director, best actress, at best actor sa naturang parangal.
