Patay ang 5 katao matapos mabangga ang kanilang sinasakyang tricycle ng isang van sa Mulanay Quezon.
Kinilala ang mga biktima na sina Manny Reymundo, Benny Jay Reymundo, Cristy Bercero, Crisjane Reymundo at Crisjay Reymundo.
Batay sa impormasyon mula sa Quezon Provincial Police Office, binabaybay ng tricylce ang national highway sa bahagi ng barangay Sta. Rosa nang mawalan umano ng preno ang van at bumangga sa kasalubong na tricycle.
Patungo sanang bayan ng Catanuan ang van na minamaneho ng isang Arnel Tesico.
Patuloy naman ang isinasagawang imbestigasyon sa insidente.
