Hihilingin ng PNP–NCRPO na putulin ang signal ng lahat ng telepono sa Traslasyon ng Itim na Nazareno ngayong taon.
Ayon kay NCRPO acting director Brig. Gen Debold Sinas, sa bisperas palamang ng Traslasyon o sa Enero 8 ay puputulin na ang signal hanggang sa matapos ang prusisyon.
Samantala, pinag-aaralan naman na suspendihin ang permit to carry firearm sa simula palamang ng pahalik sa Itim na Nazareno hanggang sa matapos ang Traslasyon.
Una nang sinabi ng NCRPO na magpapatupad sila ng mahigpit na pagbabantay para mapanatili ang kaayusan at seguridad sa naturang relihiyosong pagtitipon.
