Bukas ang Move It sa mga Angkas riders na gustong mag-apply sa kanila.
Isa ang Move It sa mga bagong kumpanya na nabigyan ng permisong lumahok sa pilot run ng motorcycle-taxi services sa bansa.
Ayon kay Eric Torres, operations manager ng Move It, sa ngayon ay mayroon silang 6,500 aplikante, samantalang ang deadline nila para mapunan ang 10,000 slots na ibinigay sa kanila ng Technical Working Group (TWG) ay hanggang sa susunod na linggo na lamang.
Sa kasalukuyan, nasa 2,500 na anya ang kanilang riders at 500 dito ang gumagana na sa kalsada.
Ang pilot run para sa motorcycle-taxi services ay magtatapos sa Marso.
