Patuloy pa rin pinaghahanap ng Philippine Coast Guard (PCG) ang isang bangkang isang linggo nang nawawala sa bahagi ng West Philippine Sea (WPS).
May lulang pitong mangingisda ang bangkang Narem 2.
Batay sa ulat, nagawa pa umanong makapag radyo ng mga mangingisda sa may-ari ng barko para ipagbigay alam na sila ay pauwi na dahil malakas na ang alon.
Ayon naman kay Capt. Charlie Rances, commander Coast Guard District North Western Luzon, sinubukan na rin nilang hanapin ang naturang bangka na posible umanong inanod sa Scarborough Shoal ngunit wala silang nakita rito.
Gayunman tiniyak ni Rances na hindi sila titigil sa paghahanap hanggang sa makita nila ang mga mangingisda.
