Dalawa ang patay kabilang na ang isang abogado matapos tambangan sa harap ng isang simbahan sa Sta. Rita, Pampanga kahapon ng umaga.
Kinilala ni Pampanga Provincial Police Chief Col. Jean Fajardo ang biktima na si Atty. Anselmo Carlos na kilala sa lugar bihasa sa paghawak ng mga kaso kaugnay sa land dispute.
Sakay ng kotse, binabagtas ng driver ng biktima na si Marcial Mendoza ang provincial road nang bigla silang harangin ng tatlong salaring magkaka-angkas sa motorsiklo at walang habas na pinaulanan ng bala.
Nagtamo ng tama ng bala ng baril sa iba’t-ibang bahagi ng katawan partikular na sa ulo at leeg sina Carlos at Mendoza na siyang naging sanhi ng kanilang pagkamatay.
Nabatid na kabilang umano sa katutubong aeta ang mga salarin subalit nagpapatuloy pa rin ang imbestigasyon ng mga awtoridad hinggil sa pagkakakilanlan ng mga ito. — ulat mula kay Jaymark Dagala (Patrol 9)
