May paalala ang Catholic Bishops’ Conference of the Philippines o CBCP sa mga fans ng tinaguriang kalye serye ng noontime show na Eat Bulaga.
Ayon kay Fr. Gunigundo Garganta, Executive Secretary ng CBCP Episcopal Commission on Youth, huwag kalimutan lalo na ng mga kabataan na pulutin ang aral na ipinakikita ng tambalang AlDub.
Aniya, marami kasi sa mga kabataan sa kasalukuyan ang mas binibigyang pansin ang kilig sa mga napapanood na karakter ngunit hindi nakukuha ang tunay na layunin ng kanilang pagganap.
Dahil dito, sinabi ng pari na dapat maging responsableng manonood ang lahat ng mga fans nila Alden Richards at Maine Mendoza upang maituro sa lahat ang tunay na kahulugan ng pag-ibig sa kapwa.
By Jaymark Dagala
