Naglunsad na ng unang airstrike ang Russia sa Syria habang duda naman ang US officials sa tunay na intensyon ng pag-atake.
Ayon sa Russian Defense Ministry, tinarget ng kanilang mga warplanes ang 8 strategic position ng ISIS, kabilang ang mga armas, transportation, communications at control.
Kinontra naman ni US Defense Secretary Ash Carter ang naging pahayag ng Russia.
Sinabi ni Carter na nais niyang maging maingat sa pagkumpirma ng mga impormasyon, subalit lumalabas na hindi umano ISIS ang inatake ng Russia.
Aniya, nais lamang umanong gatungan ng Russia ang pagsiklab ng civil war sa Syria.
By Mariboy Ysibido
