Labinganim (16) na volcanic earthquake ang naitala sa Bulkang Taal sa nakalipas na magdamag.
Ipinabatid ng PHIVOLCS na pawang mahihina lamang ang mga nasabing pagyanig, gayundin ang ibinugang steam laden plumes mula sa crater ng bulkan na ang taas ay nasa 50-metro lamang.
Ayon sa PHIVOLCS, nakataas pa rin ang Alert Level 2 sa Taal Volcano na nangangahulugang maaari pa ring magkaroon ng phreatic explosions, volcanic earthquakes, ash fall, lethal accumulations at pagbubuga ng volcanic gas.
Ipinagbabawal pa ring pasukin ang Taal Volcano Island na itinuturing na permanent danger zone.
Pinayuhan ng PHIVOLCS ang mga lokal na pamaalaan na maging handa pa rin sakaling muling mag-alburuto ang Bulkang Taal.
