Kinumpirma ng city government ng Sta. Rosa, Laguna ang ikalawa nitong kaso ng coronavirus disease 2019 (COVID-19).
Nabatid na residente ng isang subdibisyon sa Barangay Macabling ang ikalawang kaso ng virus.
Dahil dito, mas pinaigting ni Mayor Arlene Arcillas ang pagpapatupad ng home quarantine sa lahat ng barangay sa kanilang lugar.
Siniguro naman ng local government na nagpapatuloy na ang ginagawang contact tracing sa mga indibidwal na nakasalamuha ng pasyente.
