Isa ang patay sa pagsiklab ng sunog sa isang residential area sa Santa Ana, Taguig City.
Kinilala ng city social welfare and development office ang nasawi na si Bellen Benedicto, 55 anyos.
Batay sa imbestigasyon, nagsimula ang sunog sa ikalawang palapag ng bahay ng biktima pasado alas 8:44 a.m. kaninang umaga.
Nagawa pang mailabas ng biktima ang kanyang mga apo mula sa nasusunog nilang bahay.
Gayunman, bumalik umano ito sa loob para kunin ang ilang mahahalagang dokumento pero hindi na muling nakalabas.
Tinitignan namang dahilan ng sunog ang pagkakaroon ng electrical short circuit sa nabanggit na bahay.
