Tiniyak ng Department of Interior and Local Government (DILG) na tuloy-tuloy ang operasyon ng ahensiya.
Ito ay matapos sumasailalim sa self-quarantine ang ilang mga senior officials ng DILG kabilang ang kanilang tigapagsalita na si Undersecretary Jonathan Malaya.
Kasunod naman ito ng pagpositibo sa coronavirus disease 2019 (COVID-19) si DILG Secretary Eduardo Año.
Ayon kay Malaya, agad nag-self quarantine ang lahat ng mga matataas na opisyal ng dilg na nakasalamuha ni Año sa mga nakalipas na araw.
Gayunman iginiit ni Malaya na hindi nito maaapektuhan ang operasyon ng buong kagawaran kabilang na ang mga ahensiyang nasa ilalim nito tulad ng PNP, BFP at BJMP.
Dagdag ni Malaya, nananatili rin aniyang fully in-charge sa buong kagawaran si año kung saan tuloy-tuloy ang pakikipag-ugnayan nito kina Pangulong Rodrigo Duterte, senior officials ng DILG at iba pang ahensiya.
