Nailabas na ng Department of Social Welfare and Development (DSWD) ang tseke para sa cash aid ng mga kwalipikado sa social amelioration program para sa buwan ng Abril.
Ayon kay Cabinet Secretary Karlo Nograles, mahigit P1.48-B ang para sa Maynila, mahigit sa P621-M sa Paranaque, mahigit sa P1.72-B sa Caloocan, mahigit sa P448-M sa Marikina, mahigit sa P750-M sa Pasig City, mahigit sa P3-B sa Quezon City, mahigit sa P368-M sa Mandaluyong, mahigit sa P430-M sa Muntinlupa at mahigit sa P739-M sa Taguig.
Nakapagsimula na aniya ng distribusyon ang Paranaque noong Biyernes samantalang nitong Lunes naman ang Maynila.
