Patay ang tatlong sundalo habang apat ang sugatan sa engkwentro sa pagitan ng 94th Infantry Batallion ng 303rd Infantry Brigade at ng mga miyembro ng New People’s Army (NPA) sa Himamayla City, Negros Occidental.
Ayon kay Major Franco Ver Lopez, Civil-Military Operations Officer ng 303rd Brigade, nagpatrolya sila sa lugar matapos makatanggap ng impormasyon hinggil sa pangingikil ng rebeldeng grupo.
Habang nagpapatrolya aniya ang tropa ay biglang nagpaulan ng bala ang mga rebelde.
Sumabog pa umano ang isang improvised explosive device na ikinasawi ng tatlong sundalo.
Ngunit depensa ng NPA, naunang nagpaputok ang mga sundalo habang sila ay nagsasagawa ng community health campaign.
