Umabot sa P8-M ang hospital bill ni dating Senador Heherson Alvarez na namatay sa coronavirus disease 2019 (COVID-19) sa Manila Doctors Hospital.
Ayon kay Hexilon Alvarez, anak ng dating senador, dapat talagang seryosohin ang COVID-19 dahil talagang malaki ang epekto nito sa isang pamilya.
Sabay pa aniyang napasok sa ospital dahil sa COVID-19 ang kanyang ama at ina.
Nitong Lunes, na-cremate na ang labi ng dating senador tulad ng ipina iiral na panuntunan sa mga nasawi sa COVID-19 samantalang nananatili sa quarantine ang asawa nitong si Cecille Guidote Alvarez.
