Nakiisa na rin ang sikat na mang-aawit na si Madonna sa mga magbibigay pabuya para sa sinumang indibiduwal o grupo makadidiskubre ng bakuna kontra COVID-19.
Inihayag ito ng mang-aawit makaraang ibunyag nito na maging siya ay dinapuan na rin ng nasabing virus pero gumaling din naman kalaunan.
Ito aniya ang naging dahilan kung bakit nakansela ang nakatakda sanang konsyerto nito sa Paris, France noong buwan ng Pebrero.
Dahil dito, nag-alok si Madonna ng mahigit isang milyong dolyar para sa mga mananaliksik na siyang makapagbibigay liwanag sa mundo sa pamamagitan ng bakuna kontra sa nasabing virus.
