Magkakaroon na ng istasyon sa radyo sa Pag-asa Island sa West Philippine Sea.
Ito ang inihayag ni Defense secretary Delfin Lorenzana, kung saan layon umano ng itatayong radio station na makatulong sa pagbo-broadcast ng ulat panahon para sa mga mangingisdang maglalayag sa karagatan at iba pang impormasyon na makatutulong sa lokal na komunidad.
Maliban pa umano sa radio station, magkakaroon din ng sariling cell site ang Pag-asa Island matapos makasagap ng signal sa cellphone si Lorenzana mula sa Vietnamese telecoms company habang nasa isla.
