Hindi naaalarma ang Palasyo hinggil sa mataas na bilang ng mga nadadapuan ng coronavirus disease 2019 (COVID-19) sa Cebu City.
Ayon sa tagapagsalita ng Pangulo na si Secretary Harry Roque, hindi aniya nakakatakot ang mataas na bilang ng mga nadadapuan ng nakamamatay virus sa naturang lungsod, dahil nasa 100% pa naman ang critical care beds nito.
Dagdag pa ni Roque, personal na ring binisita ni Chief Implementer Secretary Carlito Galvez ang Cebu City, at sinigurong dadagdagan nito ang mga bed capacity, maging ang paglalagay ng ventilators at mga medical professionals sa kalapit na probinsya para tuluyang labanan ang banta ng COVID-19.
Dagdag pa ng Palasyo, makabubuting pagtuunan ng pansin ang sitwasyon sa Cebu City, nang hindi na kumalat pa ang nakamamatay na virus.
