Nagpositibo sa coronavirus disease 2019 (COVID-19) ang 15 manggagawa sa depot ng MRT-3.
Ang naturang mga manggagawang nagpositibo sa virus, ay mula sa Sumitomo Hitespi, na siyang maintenace provider ng MRT-3.
Dahil dito, simula ngayon araw, magsasagawa ang mga tauhan ng Philippine Coast Guard (PCG) ng rapid test sa lahat ng mga empleyado ng MRT-3 at mga manggagawa ng sumitomo sa depot nito, para matiyak na ‘di na kakalat pa ang nakamamatay na virus.
Kasunod nito, ang mga magpopositibo sa isasagawang rapid test, ay agad namang isasailalim sa confirmatory testing.
Samantala, iginiit ni MRT-3 director for operations, Michael Capati, na regular itong magsasawala ng disinfection sa depot kontra banta ng COVID-19 pandemic.
