Makikibahagi si Pangulong Rodrigo Duterte sa online 36th Association of Southeast Asian Nations (ASEAN) Summit na gaganapin sa Biyernes, Hunyo 26.
Ayon kay Presidential Spokesperson Harry Roque, inaasahang magiging abala ang pangulo para sa ASEAN Summit na maituturing na malaking event para sa mga bansa sa South East Asia.
Nakatakda sanang ganapin sa Vietnam ang 36th ASEAN summit mula hunyo a-bente siyete hanggang 28 pero nakansela ito dahil sa coronavirus disease 2019 (COVID-19) pandemic.
Nitong nakaraang Abril, nagkaroon ng special online summit ang mga lider ng mga bansa sa Southeast Asia kung saan tinalakay ang pagtugon ng rehiyon sa pandemiya.
