Umaabot na sa 54 ang kabuuang bilang ng mga miyembro ng Philippine Coast Guard (PCG) ang tinamaan na rin ng coronavirus disease 2019 (COVID-19).
Ayon kay PCG Vice Admiral George Ursabia Jr., 42 sa nabanggit na bilang ang nakarekober na sa sakit.
Labing dalawa naman aniya ang patuloy pa ring nagpapagaling bagama’t kapwa mga asymptomatic ang mga ito.
Magugunitang, itinalaga ang mga tauhan ng PCG para tumulong sa implementasyon ng quarantine protocols gayundin para sa pagpapauwi sa probinsiya ng mga balik-bansang mga OFW’s at locally stranded individuals.
Samantala, tiniyak ni ursubia na mahigpit nilang sinusunod ang biosafety protocols para sa kanilang mga tauhan kabilang na ang pagsasagawa ng RT/PCR tests at pagbibigay ng mga protective gears.
