Pipilitin ng pamunuan ng MRT-3 na agad makabalik ng operasyon ngayong linggo.
Kasunod ito ng ipinatupad na suspensyon sa operasyon ng train system para bigyang daan ang isinasagawang coronavirus disease 2019 (COVID-19) test sa lahat ng mga kawani nito.
Sa panayam ng DWIZ kay MRT-3 director for operations Engineer Michael Capati, sinabi nito na batay sa kanilang timeline, target nilang makabalik operasyon ngayong weekend.
Aniya, ngayong araw isinailalim lahat ng empleyado sa swab testing at umaasang mas mapapabilis ang paglabas ng mga resulta nito.
Oras aniyang makakuha na sila ng sapat na bilang mga kawani na mag ne-negatibo sa COVID-19 agad nang ibabalik ang operasyon ng MRT-3.
Pagtitiyak ni Capati, hindi muna pababalikin ng trabaho ang mga empleyadong hindi pa naisasailalim sa swab testing.
