Sampung staff ni Senador Richard Gordon ang nagpositibo sa coronavirus disease 2019 (COVID-19).
Ito ang kinumpirma ni Gordon sa pamamagitan ng kanyang Twitter account ngayong Sabado, Hulyo 18.
Sa Twitter post ng senador, sinabi nito na agad sumailalim na quarantine ang sampung staff nito, na kawani rin ng Philipine Red Cross, matapos malaman ang resulta ng test.
Anito, sinimulan na rin nila ang contact tracing sa mga nakasalamuha ng mga nabanggit na staff.
Maging si Gordon din, pati ang kanyang maybahay at dalawang household staff ay nagpa-test at negative naman aniya ang resulta nito.
Full statement re our COVID-19 positive staff: pic.twitter.com/XU7V5cjfBi
— Richard J. Gordon (@DickGordonDG) July 17, 2020
