Kasado na ang malaking rally na sasabay sa State of the Nation Address (SONA) ng Pangulong Rodrigo Duterte sa Lunes, ika-27 ng Hulyo.
Upang matiyak na magiging maayos ang rally, nakipagpulong pa kay Quezon City Mayor Joy Belmonte ang mga kinatawan ng Bayan, Gabriela, Piston, Act at National Union of People’s Lawyers (NUPL).
Ayon kay Renato Reyes Jr. ng Bayan, tiniyak nila kay Belmonte na susunod sila sa mga health measures sa harap ng umiiral na coronavirus disease 2019 (COVID-19) pandemic.
Nagpasalamat ang grupo kay Belmonte dahil sa pagkilala at respeto nito sa kalayaang makapagpahayag na ginagarantiyahan ng konstitusyon.
