Nagpahayag ng pakikipagdalamhati si Labor Secretary Silvestre Bello lll sa pagpanaw ni NDF Chief Negotiator Fidel Agcaoili.
Kinilala ni Bello ang anya’y marubdob na pagmamahal ni Agcaoili sa kapayapaan sa bansang kanyang sinilangan.
Ayon kay Bello, ang pagiging marangal at pagkakaroon ng paninindigan ni Agcaoili ang isa sa nagpagaan sa kanilang trabaho noon sa peace talks.
Matatandaan na bukod sa pagiging miyembro ng gabinete, si Bello rin ang tumatayong chief negotiator ng bansa sa pakikipag-usap noon sa CPP-NDF.
