Pansamantalang isinara ang 4 na health center sa lungsod Pasig habang hinihintay pa ang resulta ng isinagawang coronavirus disease 2019 (COVID-19) test sa kanilang mga health worker.
Sa post online ni Pasig City Mayor Vico Sotto, kabilang aniya sa mga isasarang mga health center ay sa mga sumusunod ng lugar:
- Maybunga Floodway
- Napico
- Manggahan Super HC
- Caniogan
Sa kaparehas na post, naisailalim na rin sa swab test at naghihintay na lamang ng resulta ang mga health workers sa Maybunga, Napico, at sa Manggahan.
Habang ang mga health workers naman sa Caniogan ay kasalukuyang nakasailalim sa quarantine at naka-schedule na rin para kuhanan ng swab para sa COVID-19.
Kasunod nito, iginiit naman ni Pasig City Mayor Sotto, sa mga may emergency maaaring tumawag sa operation center sa number na 846-300-00.
