Interesado ang Iraq sa nabuong bakuna ng Russia laban sa coronavirus disease 2019 (COVID-19).
Ang pahayag ay ginawa ni Public Health Department Head Riyadh Abdul-Amir matapos makapagtala ang kanilang bansa ng 3,396 na bagong kaso ng coronavirus.
Umakyat na sa 156,995 ang kabuuang bilang ng mga tinamaan ng COVID-19 sa Iraq.
Umabot na rin sa 5,531 ang mga nasawi habang 112,102 na ang total recoveries sa naturang bansa.
