Nadagdagan pa ng dalawa ang nagpositibo sa coronavirus disease 2019 (COVID-19) sa House of Representatives.
Dahil dito, nasa 49 na ang empleyado ng Kamara na nagpositibo sa COVID-19.
Isa sa dalawang bagong kaso ay congressional staff na huling nag-report sa trabaho nuong June 16 samantalang ang isa pa ay empleyado ng plenary support service na huling nagreport sa trabaho nuong August.
Ayon kay House Secretary General Jose Luis Montales, kapwa asymptomatic ang dalawang bagong kaso at kapwa naka-home quarantine. —ulat mula kay Jill Resontoc (Patrol 7)
