Nagpaalala si Senador Panfilo Lacson kay Vice President Leni Robredo na maging handa anumang oras na humalili sa pangulo sakaling may masamang mangyari rito.
Ito’y makaraang ihayag ni Pangulo Rodrigo Duterte na papalapit na sa stage 1 cancer ang sakit nitong barrett’s esophagus.
Kung kaya’t pagdidiin ni Lacson, ang kalagayan ng kalusugan ng pangulo ay aniya’y ‘public concern’ dahil ito ang lider ng bansa, kung kaya’t hindi anito maiiwasan na mag-spekula ang taong bayan sa tunay na kalagayan nito.
Pero paliwanag ni Senador Lacson, mananatiling nasa pwesto o magiging pangulong ng bansa si Duterte basta hindi ito ‘incapacitated’ alinsunod sa ating konstitusyon.
