Ipinag-utos ni Pangulong Rodrigo Duterte ang pag-reshuffle sa mga Regional vice president ng Philippine Health Insurance Corporation (PhilHealth), sa gitna pa rin ng kinahaharap nitong kontrobersiya.
Ito ang nilinaw ni Presidential Spokesperson Harry Roque, matapos namang sabihin ni Pangulong Duterte na kanyang pinasisibak kay bagong talagang PhilHealth President Dante Gierran ang pagsibak sa mga Regional vice presidents.
Ayon kay Roque, walang pinasisibak na opsiyal ng PhilHealth ang pangulo bagkus ay magpatupad lamang ng balasahan.
Samantala, kinumpirma na rin ni Gierran na magpapatupad siya ng reorganization sa Philhealth kasabay ng pagsasagawa ng pagsusuri sa pinansiyal na estado ng ahensiya.
