Hindi maaaring gamiting dahilan ni Health Secretary Francisco Duque III ang paggigiit na wala siyang kinalaman sa pagpapatupad ng kontrobersiyal na Interim Reimbursement Mechanism (IRM) ng PhilHealth.
Ito ang inihayag ni Senate President Vicento Sotto III, matapos na irekomenda ng Senado ang pagsasampa ng kaso laban kay Duque dahil sa usapin.
Ayon kay Sotto, maituturing na “pleading guilty” o pag-aming nagkasala ang patuloy na paglusot ni Duque sa usapin alinsunod sa itinatakda ng Article 217 ng revised penal code.
Sinabi ni Sotto, mas makabubuting mag-isip ng ibang dahilan si Duque dahil imposible aniyang walang alam ito sa nangyayari sa PhilHealth gayung siya ang chairman ng ahensiya.
May kinilos ‘yung ahensya mo, na lahat ng kilos dapat alam ng board. Therefore ‘yung chairman of the board hindi pwede na hindi niya nalaman ‘yung lahat na ‘yun at ang buong ahensya ay nasa ilalim sa departamento mo na chairman of the board, so papaano sasabihin iyun? Kapag ginamit mong excuse iyun. You are pleading guilty to the revise penal code Article 217 dahil sa negligence. ani Sotto
Samantala, inaasahan naman ni Sotto na tatanggapin ng mga senador ang committee report at rekomendasyon ng Senate Committee of the Whole sa isinagawang pagdinig kaugnay ng sa isyu sa PhilHealth.
I expect that they will be adapted mo-monitor na namin syempre at ako ay umaasa sa sinabi ni President Duterte na walang makakalampas dito pakakasuhan lahat. kaya nga sa committee report at sa rekomendasyon namin. It doesn’t confined the recommendations to the top 8 officials. Kaya nga merong blanket doon na statement na “All other officials and employees who connive or who involved in the” ganun. ani Sotto panayam ng DWIZ
