Nakaligtas mula sa pambobomba ang Vice President ng Afghanistan na si Amrullah Saleh.
Ayon sa tigapagsalita ng Afghan VP Saleh, nabigo ang mga kalaban ng Afghanistan sa muling pagtatangka ng mga ito na saktan ang kanilang Bise Presidente.
Gayunman, anim katao ang napaulat na nasawi sa naturang pagpapasabog.
Batay sa ulat, tinarget ng pambobomba ang convoy ni Saleh kung saan nasugatan ang mga body guard nito.
Samantala, itinanggi naman ng taliban na may kaugnayan sila sa nabanggit na pag-atake.
