Nanawagan ang Akbayan Party-list sa sambayanan na muling magkaisa para labanan ang hakbang ng Pamilya Marcos na umano’y pabanguhin ang pangalan at imahe ni dating pangulong Ferdinand Marcos.
Ito’y ayon sa inilabas na pahayag ng Akbayan Party-list kasabay ng ika-48 taong anibersaryo ng deklarasyon ng batas militar sa bansa.
Paliwanag nila, hindi na dapat pang pumayag ang publiko na muli anila nakawin ng Pamilya Marcos ang katotohanan at kasaysayan ng ating bansa.
Giit pa ng Akbayan Party-list, kahit ang kasalukuyang administrasyon ay hindi mabubura at matutuldukan ang umano’y marahas na pangyayari noong martial law.
