Lumagpas na sa 6 milyon ang kabuuang kaso ng COVID-19 sa India.
Ito ay matapos nilang makapagtala ng mahigit 32,000 bagong kaso sa loob lamang ng 24 oras.
Ayon sa India Health Ministry, umakyat naman sa mahigit 95,000 ang kabuuang bilang ng mga nasawi dahil sa COVID-19 sa kanilang bansa.
Ito ay makaraang madagdagan ng 1,039 ang bilang ng mga namatay sa loob lamang ng isang araw.
Sa kasalukuyan, pumapangalawa na ang India sa mga bansa pinakamatinding naapektuhan ng COVID-19 kasunod ng Estados Unidos na mayroon namang kabuuang 7 milyong kaso.
