Tinanggal na bilang Deputy Speaker ng mababang kapulungan ng kongreso si 1 Pacman Partylist Rep. Mikee Romero.
Ito’y sa gitna ng nagpapatuloy na deliberasyon ng Kamara para sa panukalang pambansang pondo ng pamahalaan sa susunod na taon.
Kilalang malapit kay Marinduque Rep. Lord Allan Velasco si Romero na mahigpit na katunggali sa puwesto ni House Speaker Allan Peter Cayetano.
Pinalitan si Romero ni Capiz Rep. Fredenil Castro na unang humamon sa mga taga-suporta ni Velasco na kusa nang magbitiw sa puwesto at ibigay ito sa mga karapat-dapat sa Kongreso.
