Nagsimula nang balasahin ang mga opisyal sa House of Representatives kasabay ng pagsisimula ng termino ni Marinduque Rep. Lord Allan Velasco bilang house speaker.
Nahalal bilang Chair ng House Committee on Accounts si Davao City 1st District Rep. Paolo Duterte kung saan pinalitan nito si Cavite 8th District Rep. Abraham “Bambol” Tolentino.
Inihalal din bilang Vice Chair ng House Committee on Accounts si Ilocos Sur District Rep. Kristine Singson-Meehan.
Samantala pinalitan naman ni Quezon 4th District Rep. Angelina Helen Tan si Guimaras Rep. Ma. Lucille Nava bilang Chair ng Committee on Health.
