Ipinagtanggol ng pamunuan ng PNP ang napakaraming pulis na nagbabantay sa libing ni baby River Nasino sa Manila North Cemetery ngayong hapon.
Ayon kay PNP Spokesman P/Col Ysmael Yu, tama lang aniya ang dami ng mga pulis dahil ang binabantayan ng mga ito ay ang seguridad ng ina ng bata na si Reina Mae Nasino – na isang bilanggo sa Manila City Jail.
Sinabi ni Yu, na kailangan din ang crowd control kaya’t maraming pulis na itinalaga kaya’t walang ibang masisisi kundi ang mga pulis at tauhan ng BJMP kung may mangyaring di inaasahan.
Ang mga kumukwestyon umano sa mahigpit na seguridad na kanilang ipinatutupad ay walang accountability kung sakali at may masamang mangyari.
Una nito, inireklamo ng iba’t ibang mga grupong tumutulong kay reina mae ang umano’y overkill na security sa libing at hindi man lang nabigyan ng pagkakataon na ito’y makapagluksa sa pagpanaw ng kaniyang anak na si baby River.