Arestado si Cavite Vice Mayor Conrado Viado at 8 pang tauhan nito dahil sa kasong illegal possession of firearms.
Naghatid ng 15 search warrant ang Cavite Provincial Police Office kay Viado dahilan para madiskubre ang iba’t ibang klaseng baril nito kabilang na ang ilang matataas na kalibre ng armas gaya ng sniper rifles.
Bagama’t hindi sa bahay nadiskubre ang baril ni Viado, nahuli naman ito matapos dalhin sa labas ang mga armas nito nang walang permit to carry firearms.
Dahil dito, iimbestigahan din ng mga otoridad ang alegasyong leader umano si Viado ng grupong asiong na pinaniniwalaang private army at gun-for-hire group sa Cavite.
Tumanggi namang magbigay ng pahayag ang kampo ni Viado.
